KNUS Sports Rehabilitation Club

Спорттық оңалту үйірмесі – Қазақ ұлттық спорт университетінің Спорттық медицина, оңалту және клиникалық зерттеулер институты жанындағы студенттік бірлестігі. Ол спорттық оңалтуды зерттеуге және дамытуға, спорттық жарақаттардың алдын алуға, студенттер арасында салауатты өмір салты мәдениетін қалыптастыруға бағытталған. Үйірме жетекшісі – Зұлхарнай Б.Қ.

Үйірменің мақсаттары

• Студенттер арасында спорттық оңалтуды дамыту.
• Студенттерді дене белсенділігіне және салауатты өмір салтына тарту.
• Жарақаттан және жүктемеден кейін қалпына келу туралы білімді арттыру.
• Университет ортасында жарақаттың алдын алу мәдениетін қалыптастыру.
• Оңалту және спорттағы қалпына келтіру медицинасы саласындағы жаңа буын мамандарын даярлау.

Нені үйретеміз

• Емдік дене шынықтыру, массаж, кинезиотейптеу және қалпына келтіру жаттығуларының негіздерін дәрігер-реабилитологтардың, физиотерапевттердің және жаттықтырушылардың жетекшілігімен.
• Спорттық жарақаттар кезіндегі алғашқы көмекті.
• Жарақаттың алдын алу және жүктемеден кейін қалпына келу қағидаттарын.
• Клиникалық жағдайларды талдауды.

Қалай мүше болуға болады

Университеттің кез келген студенті өтінім беру арқылы үйірме мүшесі бола алады. Мүшелік ерікті. Үйірме мүшелері сабақтарға, іс-шаралар мен жобаларға қатысады, ұсыныстар мен бастамалар енгізеді, ақылы курсқа жеңілдік алады, кәсіби дамуға көмек пен практикаға жолдама алады.

Үйірме мүшелерінің міндеттері

• Үйірме туралы ережені және университеттің ішкі тәртіп қағидаларын сақтау.
• Сабаққа қатысу және тәртіпті сақтау.
• Үйірме жетекшісі мен төрағасының талаптарын орындау.
• Қауіпсіздік пен әдеп қағидаларын сақтау, құрал-жабдықты ұқыпты пайдалану.
• Іс-шараларда университет атынан лайықты өкілдік ету.

Сабақтар

Үйірме кездесулері үш аптада бір рет өтеді. Әр кездесудің күні, уақыты мен орны алдын ала хабарланады. Бағдарлама қатысушылардың даярлығына байланысты және дәрістерді, практикалық сабақтарды, клиникалық жағдайларды талдауды, қалпына келтіру және жарақаттың алдын алу жаттығуларын қамтиды.

Спорттық оңалту курсы

Кездесулерден бөлек, үйірме жанында спорттық оңалту бойынша ақылы курс өткізіледі: үш ай, аптасына бір сабақ. Үйірме мүшелеріне жеңілдік беріледі. Курстың құны, төлем тәртібі және топтарды жинақтау курс басталар алдында қатысушыларға хабарланады.

Практика және кәсіби даму

Үйірме мамандармен кеңестер мен кездесулер ұйымдастырады, кәсіби қауымдастыққа қосылуға көмектеседі, қатысушыларды клиникаларға, оңалту орталықтарына, спорттық ұйымдарға және әріптес ұйымдарға практикаға жібереді. Іріктеу тәртібін үйірме басшылығы белгілейді.

Іс-шаралар

• Мамандардың дәрістері мен шеберлік сабақтары.
• Алғашқы көмек пен тейптеу бойынша практикумдар.
• Тақырыптық кездесулер (кинезиотейптеу, тізе жарақатынан кейінгі оңалту, балалар-спортшылармен жұмыс және т.б.).
• Клиникалық жағдайларды талдау: қатысушылар кезекпен кейс дайындап, таныстырады.
• Тәлімгерлік: жоғары курс студенттері мен түлектер жаңа қатысушыларды сүйемелдейді.
• Жарыстардағы ерікті қызмет: университет және қала турнирлерінде медициналық қызметке көмектесу.
• Жарақаттың алдын алу және салауатты өмір салты бойынша акциялар.
• Ашық есік күні және семестр басында қатысушыларды ашық қабылдау.
• Үйірмелер аралық және университеттік іс-шаралар.
• Астананың клиникаларымен, федерацияларымен және спорт клубтарымен серіктестік.
• Ғылыми жұмыс: студенттік конференцияларға бірлескен тезистер мен баяндамалар дайындау.
• Белсенді қатысушыларды көтермелеу: рейтинг, мадақтамалар, ұсыныс хаттар.

Басшылық

Үйірме қызметін жетекші мен төраға ұйымдастырады. Төраға кесте жасайды, іс-шараларды және үйірменің ағымдағы жұмысын ұйымдастырады. Жетекші қатысушылар тізімін жүргізеді және үйірмені дамыту жоспарларын қалыптастырады. Қажет болған жағдайда оқытушылар, университет қызметкерлері және оңалту саласының мамандары тартылады.

Үйірме туралы ереже

Үйірменің қызмет тәртібі мен оның мүшелерінің құқықтары мен міндеттері Үйірме туралы ережеде айқындалған. Ереже Университет Ректоры бекіткен күннен бастап күшіне енеді.