Run Club

Жеңіл атлетика тарихы

Жеңіл атлетика жарыстары 1896 жылы Афинада өткен алғашқы Олимпиада ойындарында пайда болды. 1928 жылғы Амстердам ойындарына дейін жеңіл атлетикада тек ерлер сайысты, кейін әйелдер дисциплиналары енгізілді. Қазіргі жазғы Олимпиада ойындарының бағдарламасына жеңіл атлетиканың 47 түрі — ерлер арасында 24 және әйелдер арасында 23 дисциплина кіреді.

Бұл спорт түрінде 47 медаль жиынтығы сарапқа салынады.

Жеңіл атлетика ережелері

Жеңіл атлетика жарысында финалдық жүгіруде немесе техникалық дисциплиналардың финалдық мүмкіндіктерінде ережеге сәйкес үздік нәтиже көрсеткен спортшы не команда жеңімпаз атанады.

Стадион жолындағы жүгіру жарыстары бірнеше кезеңмен өткізіледі: іріктеу, ширек финал және жартылай финал. Іріктеу нәтижесінде финалда бақ сынайтын спортшылар немесе командалар анықталады. Қатысушылар саны жарыс регламентімен белгіленеді.

Эстафеталық жүгіруде ел атынан бір команда қатысады. Кросс, тасжолдағы жүгіру, спорттық жүріс және көпсайыста тек финалдық жарыстар өткізіледі.

Қазақстандағы жеңіл атлетика

Григорий Егоров — 1988 жылғы Олимпиаданың сырықпен секіруден қола жүлдегері, 1993 жылғы әлем чемпионатының күміс жүлдегері, Азия ойындарының чемпионы және сырықпен секіруден Азия рекордшысы.

Ольга Рыпакова — үш қарғып секіруден 2012 жылғы Лондон Олимпиадасының чемпионы, 2008 жылғы Бейжің Олимпиадасының күміс және 2016 жылғы Рио-де-Жанейро Олимпиадасының қола жүлдегері.