QAZNADO ҰЛТТЫҚ ДОПИНГКЕ ҚАРСЫ ҰЙЫМЫ БАСШЫСЫНЫҢ ВОРКШОПЫ PLAY TRUE DAY 2026 АЯСЫНДА ӨТТІ

2026 жылғы 25 сәуірде Астана қаласында, Қазақ ұлттық спорт университетінде Play True Day 2026 аясында «Антидопинг: адал спорт қағидаттары» тақырыбында воркшоп өтті. Спикер ретінде QazNADO Ұлттық допингке қарсы ұйымының басшысы Майра Қабылқанқызы Бакашева сөз сөйледі.
Воркшоп барысында антидопингтік қамтамасыз ету, таза спорт мәдениетін қалыптастыру, адал ойын қағидаттары және спортшылардың, жаттықтырушылардың, сондай-ақ спорт саласы мамандарының кәсіби жауапкершілігі мәселелері қарастырылды. Антидопингтік нормаларды сақтаудың практикалық аспектілеріне және құқық бұзушылықтардың алдын алудағы білім беру бастамаларының рөліне ерекше назар аударылды.
Іс-шара Play True Day 2026 халықаралық бастамасы аясында спорт қоғамдастығы өкілдерінің, білім беру ұйымдарының, спорт федерацияларының және университет серіктестерінің қатысуымен өтті.
Қатысушылар адал әрі ашық спорт құндылықтарын ілгерілетудің өзекті тәсілдерін талқылап, кәсіби тәжірибе алмасты және сарапшыға сұрақ қою мүмкіндігіне ие болды.
Оқыту бағдарламасына 40-тан астам қатысушы белсенді қатысып, қатысқаны туралы сертификаттар алды. Play True Day 2026 аясында өткізілген воркшоп Қазақстанда жүйелі антидопингтік жұмысты, кәсіби өзара іс-қимылды және адал спорт мәдениетін дамытудың маңыздылығын айқындады.