2026 жылғы 6 маусымда EMBA Sport Management бағдарламасы аясында PhD, аға оқытушы Қасымова Ксения Булатовнаның қатысуымен «Халықаралық спорт құқығы және спорттық басқару» пәні бойынша оффлайн-семинар өтті. Семинар барысында спорт саласындағы құқықтық реттеудің заманауи тәсілдері, халықаралық спорт құқығының өзекті мәселелері және спорт ұйымдарын басқару тетіктері қарастырылды.
Семинарға спорт федерацияларының, спорт ұйымдарының және салалық мекемелердің басшылары мен мамандары қатысты. Тыңдаушылар практикалық кейстерді талқылауға белсенді қатысып, кәсіби тәжірибелерімен алмасты. Бұл олардың спорт саласындағы басқарушылық құзыреттерін дамытуға ықпал етті.
