Халықаралық жобалар

ERASMUS+ — жоғары білім берудегі әлеуетті арттыру

Erasmus+ жоғары білім беру саласындағы әлеуетті арттыру (HEB) компоненті серіктес елдердегі университеттер мен жоғары білім беру жүйелеріне ұзақ мерзімді әсер етуге бағытталған жобаларды қаржыландыруды ұсынады.

HEB жобалары — 34 Бағдарлама елі мен 150-ден астам серіктес елдің жоғары оқу орындары арасындағы көпжақты серіктестікке негізделген трансшекаралық ынтымақтастық жобалары. Erasmus+ бағдарламасына қаржылай үлес қосатын Бағдарлама елдеріне 28 ЕО мүше мемлекеті, сондай-ақ Исландия, Лихтенштейн, Норвегия, Сербия, Түркия және Солтүстік Македония жатады. Қазақстан осы компонентке қатысуға құқылы серіктес елдердің бірі болып табылады.

HEB жобалары төмендегі мақсаттарды шешуге бағытталған:

• жоғары білім беруді жаңғыртуды, инновацияны және қолжетімділікті қолдау
• жоғары білім сапасын және оның еңбек нарығы мен қоғам қажеттіліктеріне сәйкестігін арттыру; тең қолжетімділікті қамтамасыз ету, оқытуды ұйымдастыру және жоспарлау, жоғары оқу орындарын операциялық және стратегиялық басқару, олардың халықаралық деңгейге шығуын қолдау
• ЕО мен серіктес елдер арасындағы ынтымақтастықты дамыту
• жаңа және инновациялық білім беру бағдарламалары арқылы құзыреттілікті арттыру
• бірлескен бастамалар және озық тәжірибе алмасу арқылы әлемнің әртүрлі аймақтары арасындағы аймақтық және аймақаралық интеграция мен ынтымақтастықты ілгерілету