Кәсіптік бағдар беру орталығы
Кәсіптік бағдар беру және білім беру бағдарламаларын ілгерілету орталығы
Мақсат
Орталықтың мақсаты – жүйелі кәсіптік бағдар беру жұмысы, заманауи маркетинг құралдары мен ақпараттық-коммуникациялық технологиялар арқылы талапкерлерді тарту және білім беру бағдарламаларын ілгерілету саласындағы Университеттің стратегиялық міндеттерін іске асыру.
Орталық қызметі келесідей негізгі міндеттерді шешуге бағытталған:
Кәсіптік бағдар беру жұмысын ұйымдастыру
мектеп оқушылары, колледж түлектері, спорт интернаттарының, балалар мен жасөспірімдер спорт мектептерінің (БЖСМ) және олимпиадалық резервтегі мамандандырылған балалар мен жасөспірімдер мектептерінің (ОРАМБЖСМ) оқушылары, сондай-ақ басқа да мақсатты аудиториялар арасында кәсіптік бағдар беру жұмысын ұйымдастыру;
Іс-шараларды өткізу
Университеттің білім беру бағдарламаларын танымал ету бойынша іс-шараларды өткізу (ашық есік күндері, көшпелі тұсаукесерлер, мамандықтар жәрмеңкесі және т.б.);
Медиа жұмысы
әлеуметтік желілерде, сайтта және бұқаралық ақпарат құралдарында ілгерілетудің маркетингтік стратегияларын әзірлеу және іске асыру;
Қолдау
ақпараттық-консультациялық сүйемелдеу арқылы түсушілер мен талапкерлерге қолдау көрсету;
Талдау
қабылдау динамикасын талдау, білім беру нарығына мониторинг жүргізу, даярлаудың жаңа бағыттарын дамыту бойынша ұсынымдар әзірлеу;
Имидж
Университеттің спорттық білім беру саласындағы көшбасшы ретіндегі тұрақты имиджін қалыптастыру.
