Барлық білім беру деңгейлерінде білім беру үдерісінің тиімді ұйымдастырылуын қамтамасыз ету:

- пәндердің ерекшеліктерін, студенттердің қажеттіліктері мен оқытушылардың мүмкіндіктерін ескере отырып, оңтайлы сабақ кестесін құру;

- оқу қызметін үйлестіру, департаменттердің оқу-әдістемелік жұмыстарын ұйымдастыру және білім беру үдерісінің үздіксіз жұмысын жүзеге асыру;

- білім беру бағдарламаларын орындалуын қадағалау, оқу жоспарларының жүзеге асырылуын мониторингілеу және бағалау, білім беру бағдарламаларының стандарттарға және аккредиттеу талаптарына сәйкестігін бақылау;

- профессор-оқытушылар құрамының жеке оқу жоспарларының орындалу нәтижелеріне аналитикалық қорытындылар жинақтау және талдау, оқу үдерісін жетілдіру бойынша есептер мен ұсыныстар дайындау;

- пәндердің оқу бағдарламаларын, әдістемелік нұсқаулықтар мен оқу-әдістемелік құралдардың әзірленуін ұйымдастыру және бақылау, олардың мерзімінде жаңартылуын және талаптарға сай болуын қамтамасыз ету;

- педагогикалық тәжірибе алмасу мақсатында ПОҚ-тың ашық сабақтарын, өзара сабаққа қатысу мен әдістемелік семинарларын ұйымдастыру және бақылау;

- оқу үдерісінің сапасы мен тиімділігін арттыру мақсатында электронды оқыту ресурстарын, онлайн-платформалар мен цифрлық құралдардың енгізілуін жүзеге асыру және бақылау;

- білім нәтижелерін жүйелі түрде мониторингілеу, студенттер мен оқытушылардың кері байлантарысын талдау және оқу-әдістемелік жұмысты жетілдіруге арналған ұсыныстар енгізу.

2026-2027 оқу жылында еңбек нарығының талаптарына және жоғары білім жүйесін дамытудағы заманауи үдерістерге сәйкес «В098 –Спорт» және «В005 –Дене шынықтыру мұғалімдерін даярлау» бағыттары бойынша бакалавриаттың білім беру бағдарламалары жаңартылды. Бағдарламаларда ерекше білім беру қажеттіліктері бар білім алушыларды әлеуметтік және инклюзивті тұрғыдан қолдау және оңалтуға ерекше назар аударылды.

Білім беру бағдарламаларын жүзеге асыру аясында студенттерге кәсіби құзыреттіліктерін кеңейтуге және еңбек нарығындағы бәсекеге қабілеттілігін арттыруға бағытталған микробіліктіліктер алуға мүмкіндік беріледі. Оларға «Массажист (медициналық емес)», «Фитнес-нұсқаушы», «Паралимпиадалық спорт түрлерінің нұсқаушысы», «Компьютерлік құрылғыларды қызмет көрсету технигі», «Ақпараттық жүйелер администраторы», «Мәдениет ұйымдастырушы (Esport)» жатады.

Барлық білім беру бағдарламалары жоғары және жоғары оқу орнынан кейінгі білім берудің ҚР Білім беру бағдарламаларының тізіліміне енгізілген.

Білім беру үдерісіне дуалды оқыту формасы енгізілген, ол теориялық дайындық пен спорттық, білім беру және сауықтыру бағытындағы ұйымдар мен мекемелердің базасындағы практикалық оқытуды ұштастыруды қамтамасыз етеді. Дуалды оқыту жүйесі білім алушыларға болашақ кәсіби қызметте қажетті академиялық білім мен кәсіби практикалық дағдыларды бір уақытта меңгеруге мүмкіндік береді, бұл кадрларды даярлау сапасын арттыруға, түлектердің еңбек нарығы талаптарына бейімделуіне және Қазақ ұлттық спорт университеті мен жұмыс берушілер арасындағы өзара байланысты нығайтуға септігін тигізеді.

Инклюзивті спорт орталығымен ынтымақтастық туралы меморандум аясында «6В01406 – Бейімдік дене тәрбиесі педагогы» білім беру бағдарламасы бойынша дуалды оқыту енгізілген. Студенттер «Инклюзивті спорт орталығында» дуалды оқыту шеңбері аясында өндірістік оқу орындарында кәсіпорыннан тағайындалған тәлімгерлердің жетекшілігімен тәжірибеден өтеді.

KNUS шетелдік серіктес жоғары оқу орындарымен бірлесіп, қос дипломды білім беру бағдарламаларын жүзеге асырады, бұл білім алушыларға екі оқу орнының білім беру бағдарламаларын меңгеріп, екі диплом алуға мүмкіндік береді. Бағдарламалардың ерекшелігі – заманауи еуропалық білім беру стандарттарының, икемді оқыту форматтары мен халықаралық сарапшылардың сүйемелдеуі үйлесім тапқан.

éklore-ed School of Management (Франция) қос дипломды білім беру бағдарламасы

KNUS éklore-ed School of Management (Франция) серіктестігімен қос дипломды білім беру форматында халықаралық академиялық интеграцияның стратегиялық бағдарламасын жүзеге асыруда. Бағдарлама спорт менеджменті саласында жаңа буынның жоғары білікті мамандарды даярлауды мақсат етеді. Бағдарламаның маңызды элементі – Францияда тағылымдамадан өту, бұл студенттерге халықаралық кәсіби ортаға толыққанды бойлауға мүмкіндік береді.

University of Marconi-мен (Италия) бірлескен бакалавриаттың қос дипломды білім беру бағдарламалары 

KNUS Università degli Studi Guglielmo Marconi (Италия) – Еуропаның жетекші цифрлық университеттерінің бірімен бірлесіп, бакалавриаттың заманауи қос диплом бағдарламаларын жүзеге асырады. Бағдарламалар халықаралық білім беру стандарттарына негізделген, аралас (гибридті) оқыту, цифрлық технологиялар және халықаралық академиялық интеграцияны қамтиды.

Corvinus University of Budapest (Венгрия) қос дипломды білім беру бағдарламасы 

KNUS қос дипломды білім беру бағдарламасын Corvinus University of Budapest (Венгрия) – экономика, басқару және әлеуметтік ғылымдар саласындағы Орталық Еуропадағы беделді университеттердің бірімен бірлесіп жүзеге асырады. Ынтымақтастық аясында спорт менеджменті мен экономика саласында, қазіргі халықаралық талаптарға сәйкес спорт индустриясын басқару тәжірибесіне бағытталған мамандар даярланады.

Swiss Institute of Technology and Entrepreneurship (Швейцария) қос дипломды білім беру бағдарламасы 

KNUS Swiss Institute of Technology and Entrepreneurship (Швейцария) – инновациялар, цифрлық технологиялар және жаңа буын басқарушы кадрларды даярлауға бағытталған халықаралық білім беру институтымен бірлесіп, «Спорт менеджменті» мамандығы бойынша магистратураның халықаралық заманауи білім беру бағдарламасын жүзеге асырады. Бағдарламаның ерекшелігі – спорт менеджментінің өзекті бағыттарын қамтитындығында, атап айтсақ:

• спорт ұйымдарын стратегиялық басқару;
• спорт маркетингі және PR;
• спорттық іс-шараларды басқару;
• спорттағы цифрлық технологиялар және инновациялар;
• халықаралық спорттық ынтымақтастық;
• спорттық кәсіпкерлік және leadership.

Бағдарламаларды аяқтаған түлектер халықаралық үлгідегі дипломға ие болып, екі біліктілік тағайындалады, яғни Қазақ ұлттық спорт университеті және серіктес университеттің дипломдарын алады. Бұл олардың академиялық және кәсіби мүмкіндіктерін кеңейтеді және жаһандық еңбек нарығында бәсекеге қабілеттілігін арттырады.